Heri Paulus Sottocorona, annum agens duodeoctogesimum aetatis, Florentiae, qua in urbe ortum habuerat, morte decessit ex hominum conspectu. Summa sane humanitate is praeditus et meteorologiae peritissimus, viginti tres per annos in cotidianis nuntiis et programmatibus Televisifica Statione Italica emissis, quae La7 nuncupatur, scienter locutus est de aëris statu ac vicibus eademque omnibus simpliciter exposuit.
9 Ottobre 2025
