O tempora, o moresGeorgius Forattini ad superos avolavit

Hesterno die, quarto videlicet mensis Novembris, Georgius Forattini, annum agens nonagesimum quintum, in urbe Mediolano extremum effudit spiritum. Alacri ingenio praeditus, decem et amplius lustra lepidis imaginibus, quas summo artificio graphice expressit, Italiae nostrae mulierum virorumque politicorum, eorundemque ex omnibus factionibus, e. g. Amynthoris Fanfani, Iulii Andreotti, Rosae Russo Iervolino, Ioannis Spadolini, Henrici Berlinguer, Leonildis Iotti, Maximi D’Alema, Silvii Berlusconi, Romani Prodi, Humberti Bossi, vitia et virtutes singulari sagacitate narravit atque non minore ironia.