Heri, Kalendis Ianuariis, ex improviso, cum apud clarum Helvetiorum oppidum nomine Crans-Montana in publica potoria taberna, quae Francogallice Le Constellation appellatur, amplius ducenti cives ac peregrini voluptuarii, iuvenes praesertim et adulescentes, primum novi anni MMXXVI diem laete celebrabant, vastum incendium ortum est. Ex quo paulo mox vehementissima diruptio originem traxit. Hanc ob explosionem homines saltem quadraginta septem interierunt, centum quindecim vero vulnera acceperunt.
2 Gennaio 2026
