O tempora, o moresDe IV Conventu Mediolanensi a Christiano Rocca, “Linkiesta” ephemeridis moderatore, apparato

Magni momenti congressio, quae hesterno die initium habuit, ad exitum hodie adducetur

Heri Mediolani, cum dies iam in vesperum inclinabat, in celebri theatro quod a Franco Parenti nomen ducit, IV Conventus, quem Linkiesta ephemeridis scriptores apparavere, Christiano Rocca imperante nimirum inchoatus est. Cuius bipopulismo adversando proque eo optioni dandae necnon Ucrainae rationi Europaeae agnoscendae praepositi in prima sessione Helena Janeczek, clara auctrix, et Carolus Calenda, senator ac politicae dux factionis, cui nomen “Actio” (vulgo Azione), sane interfuere. Hodie vero, cum in urbem Langobardiae caput convenissent, Irena Grusha, Olga Tokariuk, Nella Kolodii, Maximus Gaudina, Christina Fogazzi, Alexander Gozi, Lisa Noja, Iulia Pastorella, Alexia Cappello, Nicolaus Carretta, Alanus Visser, Petrus Franciscus  Maran necnon Pina Picierno, Europaei legumlatorum Coetus praeses vicaria, Matthaeus Renzi, famosus vir civilis partiumque Italia Viva rector, Laetitia Moratti, Mediolanensium civium quondam magistra, Ivanus Scalfarotto, senator activistaque, Guia Soncini, scriptrix ingenio praedita, in auditorio illo spectabili magnitudine ad dicendum vero surgent. Una cum quibus Matthaeus Maria cardinalis Zuppi, Bononiensis antistes et Conferentiae Episcopalis Italicae praeses, quoque aderit.

Le newsletter de Linkiesta

X

Un altro formidabile modo di approfondire l’attualità politica, economica, culturale italiana e internazionale.

Iscriviti alle newsletter