Aliquot sunt dies, cum Seuli, in Coreae Meridianae capite, opera et artificia, quae Mauritii Cattelan intellectus concepit ac genuit, ad spectandum proponuntur. Quod ad hoc attinet, res risu haud minus quam reprehensione digna heri nuntiata est. Iuvenis quidam bonarum artium studio deditus, cum signa a Mauritio Cattelan apparata invisebat, bananam, ex qua opus, cui Anglicum nomen Comedian, sane componitur, necopinato prehendit ac manducavit. Qui, postquam vehementer increpitus est, tum facti rationem verbis attulit hisce: «Hodie mane ientaculum non sumpsi, ideoque esuriens, pomum comedi».
3 Maggio 2023