De Lucio Annaeo Seneca, Neronis principis magistro egregioque doctrinae Stoicorum sectatore, Aligherius noster bene scripsit, eum «philosophorum inclitissimum» appellans. Quare nihil demirandum est, si qui Supremo Consilio publicae institutioni praeposito adiutricem operam navant, textum de Epistula morali ad Lucilium XCIV depromptum opportunius delegerunt, ut maturitatis probationis petitores in Lyciis classicis, cum iisdem periculum in lingua Latina scripto habendum esset, aurea Senecae verba de vitae absconditae fructibus Italice redderent ac recte interpretarentur.
23 Giugno 2023
