O tempora, o moresPictura parietalis, quae Blasii Conte imaginem exhibet, facta est

Die XXIV mensis Decembris, in Natalis Christi pervigilio, magna Blasii Conte, sanctitatis fama conspicui, effigies, quam Panormi in via, quae Decollati vulgato nomine nuncupatur, Inguarus Scalisi Palminteri mirifice pinxit, primum ad spectandum proposita est. Hanc vero imaginem, quae in quadam domus sacrae pariete, ubi pridie Idus Ianuarias currenti anno MMXXIII inclutus conditor religiosae communitatis, cui nomen est Missio Spei Caritatisque (vulgo Missione di Speranza e Carità), ac seraphicus fidei confessor, quem divina gratia in alterum Christum transfiguraverat, pretiosa morte obiit, Conradus Lorefice, archiepiscopus Panormitanus, multis adstantibus fidelibus, pientissime inauguravit.