O tempora, o moresCarolus Andre vita defunctus est

Nudius tertius, a. d. IX Kal. Feb., Novi Eboraci Carolus Andre, cum in hospitalibus infirmorum aedibus decumberet, duodenonagesimo aetatis suae anno decessit. Qui inter minimalistarum principes adnumeratur, is immo, in sculpendi arte excellens, materialistam se putari et appellari, necnon etiam communismi fautorem atheumque, semper maluit. Etiamsi sit controversia utrum Carolus Annam Mendieta, primam uxorem, interemerit necne, attamen artificiosa eius opera, inter quae illud, cui Anglicum nomen Equivalent VIII, praecipue memorandum est, silentio praeteriri nullo modo possunt.