O tempora, o moresVIII Conventus Trullanus musicae electronicae provehendae

Hoc quoque anno Internationalis musicae electronicae provehendae Conventus, qui “Viva!” vulgato nomine vocatur, in Valle Itriae, cuius territorium partem urbis metropolitanae Barensis partesque duarum regionis Apuliae provinciarum, Brundisinae scilicet et Tarentinae, complectitur, sane habebitur. Magna congressio Kalendis Augustis initium capiet, die IV eiusdem mensis finem. Inter musicos, qui Savelletrii prope Fasaum ac Loci Rotundi instrumentis canent, facienda est mentio saltem de Iulia Tess, Liana, Elasi, Thru Collected, Underworld, Dardust.