Optatissimum iam appropinquat dies, quo nova editio, nempe sexta, conventus, quem Christianus Rocca quinque abhinc annis instituit eundemque Linkiesta Festival nuncupavit, Mediolani apud celeberrimum theatrum, quod Francisco Parenti dicatum est, initium sane capiet. Haec enim congressio, cuius finis est veros vulgare nuntios rectasque efformare opiniones, ex a. d. XI usque ad a. d. IX Kal. Dec. celebrabitur: ei vero percelebres viri mulieresque intererunt et in eadem orationem habebunt. Ad hoc quod attinet, saltem mentio facienda est de Roberto Kagan, Francisco Costa, Ivano Scalfarotto, Philippo Sensi, Paulo Giordano, Simone Lenzi, Lia Quartapelle, Petro Francisco Maran, Assia Neumann Dayan.