Id omnibus notum iam est, quod Nadia Terranova, magni nominis scriptrix, et Christianus Rocca, praeclarus diurnarius interretialisque moderator ephemeridis, cui index Linkiesta.it, omnes curas impenderunt ut prima litterarum sollemnia, quae vulgo KFestival dicunt, in archaeologico Segestae consaepto ex a. d. XII Kal. Aug. usque ad a. d. X Kal. Aug. celebrarentur. De hoc conventu, cui Alexander Veronesi, Stephania Auci, Romana Petri, Viola Ardone, Beatrix Monroy, Annalisa De Simone ac Vascus Brondi interfuerunt, artata pellicula visifica, quae paulo minus quam quinque minutis sane durat, edita est. Cuius ostensio, tenuibus modis modicis iuncta, superioribus horis in reti facta est.
