O tempora, o moresDiurna “Linkiesta Milano” inscripta in lucem edita sunt

Nova acta interretialia, quibus ephemeris a Christiano Rocca gesta feliciter augetur, die VII vertentis mensis Septembris primum confacta sunt ac vulgata

Post publicatos commentarios quattuor, quibus EuropeaGastronomika, Il Lavoro che verrà et Greenkiesta nomina, Christianus Rocca, eximius diurnarius et ephemeridis Linkiesta moderator, novo diario nuperrime favit. In his actis Linkiesta Milano inscriptis, quae nudius tertius per rete primum vulgata sunt, de Mediolanensi civitate sane tractatur. In quibus vero tum articulus Iosephi Sala, Insubrium urbis principis syndici, tum prima diarii commentatio, per quam Christianus Rocca multis argumentis Mediolanum esse globalem solidalemque civitatem a reformistis dilectissimam sane docuit, die VII huiusce mensis Septembris edita sunt.

X