Omnium laetitia, sicuti nix solis verno liquescens radiis, cito evanuit: in insula Thule feminae, quas populares legislatrices cives creavere, non tres et triginta, sed tantum triginta. Quarum numerus prae superioribus temporibus profecto crevit, ipsae attamen in Parlamento maiorem partem, tabellis iterum diribitis, ultimo non obtinuerunt. Islandia, cuius populares legatae legibus ferendis duodequinquaginta fere centesimae sunt, omnes Civitates in Europa longe ceteris utique antecellit.
27 Settembre 2021
O tempora, o moresIn novo Parlamento Islandico feminarum pars augetur
Mulieres ad Publicum Coetum legibus ferendis cooptatae, aliter ac prius renuntiatum erat, maiorem subselliorum numerum ultimo quidem non obtinuere
