O tempora, o moresProcella Ida nuncupata Boreoamericanis civibus terrorem ac mortem attulit

In Foederatarum Americae Civitatum regionibus inter septemtriones et orientem solem spectantibus quadraginta sex homines vitam adhuc amisere

Ex rationis Pipiatoriae "FlowerPower" pagina breviloquenti

Foeda tempestas nomine Ida, quae in mari Caribico die XXVI superioris mensis Augusti coorta est deindeque in Foederatas Americae Civitates Orientales saeviit, Kalendis Septembris concidit. Quam immanem procellam insecuti sunt assidui magnique imbres, ita ut proximis duobus diebus ingentes aquarum inundationes Boreoamericanas regiones inter septemtriones et orientem solem spectantes vastarent atque terrorem omnes in partes sererent: ad hoc tempus sex et quadraginta cives, quorum tredecim in urbe Novo Eboraco, nimirum perierunt, complures vero gravia vulnera acceperunt.