Internationalis Librorum Exhibitio, quam Angelus Pezzana ac Guido Accornero anno MCMLXXXVIII sapienter instituere, in principe Pedemontii regionis urbe proximis horis inaugurabitur. Quae vero usque ad diem XVIII vertentis mensis Octobris visitari poterit. Huius anni MMXXI editio, quae Vita Supernova inscribitur, a Nicolao Lagioia, expositionis librariae moderatore perillustrique scriptore, peculiari modo commendata est. Ille vero symbolicam eventus significationem, transacto longo tempore, quo Coronarium Virus omnibus locis saeviit, praesertim explanavit.