Vladimirus Putin in telephonico colloquio, quod cum Nephthali Bennett heri habuit, antisemiticae Sergii Lavrov sententiae veniam petit. Et vero primarius Reipublicae Israelianae administer summi Foederatarum Russiae Civitatum rectoris excusationem accepit eique permagnas gratias toto corde egit. Quod in nuntio diurnariis edocendis emisso Informatorium Nephthali Bennett Officium nimirum explicavit.