O tempora, o moresIoannes Ludovicus Trintignant mortem obiit

Ucetiae, in parva regionis Occitaniae urbe, Ioannes Ludovicus Trintignant, dilectissimae uxoris suae studio officiisque refectus, animam heri exhalavit et in somno pacis obdormivit. Omnibus in locis feminae et mares, iuvenes et senes maximo sunt dolore affecti, cum audivere de morte actoris tam cinematographica arte clari quam aspectu pulchri, qui in vita universam laudem sibi comparavit tum primas tum secundas agens partes in quattuor praesertim pelliculis, scilicet “Praetervectio” (Italice Il sorpasso), “Vir quidam, mulier quaedam” (Italice Un uomo, una donna), “Qui se fingit” (Italice Il conformista) ac “Desertum Tatarorum” (Italice Il deserto dei Tartari). Cuius tanti hominis nomen Emmanuel Macron, Francogallicae Reipublicae praeses, grata memoria est quoque prosecutus.