O tempora, o moresHelmodus Berger supremum obiit diem

In urbe Salisburgo Helmodus Berger, qui vir orbis terrarum pulcherrimus recte ac merito appellabatur, e mortali hac vita a. d. XV Kal. Iun. decessit, undeoctogesimum agens annum. Quem Luchinus Visconti de Modrone, praeclarus artifex cinematographicus, singulari amore amavit et a quo ardentius redamatus est, is vivus, cum in celeberrimis pelliculis visificis, exempli gratia “Descensus deorum” (vulgo La caduta degli dei) et “Ludovicus” (vulgo Ludwig), primas partes egisset, famam divinam sane emeruit.