Die XIX praeteriti mensis Novembris Fabricius Marrazzo, nationalis sodalitatis percelebris Arcigay nuncupatae consiliator, in conventu diurnariis edocendis Romae habito se politicam sectam, cui Factio Homosexualis pro LGBT+ iuribus, Solidalis Oecologistica ac Liberalis (Italice Partito Gay Partito Gay per i diritti LGBT+, Solidale Ambientalista e Liberale) nomen, instituere nuntiavit. De quo ridendum – an potius flendum? – est, si famosum novarum partium conditorem tantum sui ipsius, non certe homosexualium, transexualium, bisexualium aliarumque sexualium minoritatum equidem, personam sustinere consideramus.
Marrazzo, querulus ac pro gravibus negotiis comparandae pecuniae studiosus, notitiis de violentiarum personis LGBT+ allatarum casuum numeris, verbis haud dubio exaggeratis, ad diurnarias agenturas deferendis societatis, quae Pedicatorum Sedes (Anglicis verbis Gay Center) appellatur, prolocutorem superioribus temporibus se praesertim tulit ac legem de homotransphobia praecavenda inhibendaque insulse calumniando spectaculum recenter praebuit, Factionem Homosexualem sedecim suffragiorum centesimas ipsas obtenturam esse delirans sane dixit.