Afflicta Patricii Georgii Zaki mater dilectissimum filiuum suum, qui in Turensi carcere iniuste servatur, quattuor abhinc dies visitavit.
Iuvenis ille, qui, in Cairi aëriportu die VII superioris mensis Februarii comprehensus ac seditionis concitandae institutionumque eversionis perabsurde accusatus, numquam est adhuc iudicatus – ac trecenti viginti dies iam sunt cum humanorum iurium fautor custodia inique tenetur –, dolenti genitrici se valde fatigatum ac depressum esse nimirum declaravit.