Die IX huiusce mensis Octobris seditiosi turbulentique homines, contra vaccina anticoronaria ac litteras virides vel medellae iniectae testes (vulgo Green Pass) tumultuantes, in his accensi fascalis conventinculi “Vis Nova” (vulgo Forza Nuova) nuncupati asseclae, Romae violentos impetus in biocolytas fecerunt sedemque opificum consociationis, cui nomen Confoederatio Generalis Italica pro Operibus (siglis CGIL), deinde violavere. Heri vero cives mille vastationes deprecantes, fascistis reclamantes percelebreque carmen “Vale, pulchra” (vulgo Bella ciao) inscriptum canentes ante nationalem sodalicii sedem concursum fecere demonstrationes pacifice exhibuere.
11 Ottobre 2021
O tempora, o moresPermulti fascistis reclamantes ante nationalem CGIL sodalitatis sedem concursum fecere
Post vastationes nudiustertius allatas multitudo violentias aspernans Romae et in omni Italia demonstrationes pacifice heri exhibuit
