Ex effossionibus, quas, Didaco Voltolini duce, Erica Valli et Laura Cerri archaelogae Lunani, in parvo Provinciae Pisauriensis et Urbinatis oppido, nuper inceperunt, antiqua fornax nimirum emersit. Nuntium hoc Praefectura Picena Archaeologiae, Pulchrarum Artium et Amoenitatis agenturae ANSA confirmavit. Quae fornacem illam media, quae dicitur, aetate haud dubie extructam esse praeterea affirmavit.