Acerrimas contentiones dissensionesque e Fedez verbis exortas esse nemo ignorat. Nudius enim tertius perinsignis cantor rapianus in magno concentu Romae habito ac per tertium retis televisifici Rai canalem directe transmisso in Andream Ostellari, Senatoriae Commissionis pro Iustitia praesidem, et extremae dexterae factionis “Societas – Salvini Minister Primarius” (Italicis verbis Lega – Salvini Premier) sectatores atrociter est invectus.
Ille praeterea rogationem de inhibendis et oppugnandis violentiis discriminationibusque ob sexum, inclinationem sexualem, genus, generis identitatem invalentiamque allatis rectissime defendit.