Bonum, faustum, felicem fortunatumque annum novum vobis opto, lectrices lectoresque dilectissimi, atque optima quaeque omnibus quos diligitis toto corde ominor. Vota praeterea facio ut plena laboris dignitas operatricibus operatoribusque in Florentina officina GKN appellata munus praestantibus denuo conferatur atque ipsarum ipsorumque iura in pristinum statum restituantur. Anno MMXXII ineunte cessent igitur iniuriae, cessent violentiae, cessent discriminationes. Viginti duos fere post menses a Coronaria pandemia exorta id tempus nunc demum veniat quo homines cunti pace, prosperitate bonaque valetudine utantur.
1 Gennaio 2022