Hesterno die a Serborum multitudine conclamatione generali est Novello Djokovic, qui domum reditum perfecit, gratulatione significata. Quae autem honorificis verbis clarissimum manubriati reticuli lusorem omnes praecellentem prosecuti sunt, illum consalutantes patrium heroem. Sed reapse Novellus Djokovic universae infamiae maculam idcirco subiit, quoniam Australiani iudices illius ipsius, qui vaccinum serum adversum Coronarium Venenum non umquam accepit, commeatus diplomatis ratihabitionem irritam bis existimavere. Quamobrem teniludius princeps in toto orbe victor ex Melburnia nudiustertius maximo dedecore est detrusus.
18 Gennaio 2022
O tempora, o moresSerbici cives Novellum Djokovic, Australia depulsum et in patriam reversum, plausibus excipere
Postquam tenilusorum princeps in torbo orbe victor, qui vaccinum anticovidianum numquam accepit, nudiustertius commeatus diplomatis ratihabitione privatus ac Melburnia exactus est, in Belgradensem aeroportum heri descendit
