Heri per totam Daniam vulgatum est Margaretham reginam II esse veneno coronario infectam. Cui usque adhuc levia symptomata tantum sunt. Eodem autem die omnes pro certo habuerunt Philippum VI, Hispaniarum regem, symptomatibus levibus attactum quoque esse. Ianuario mense exeunte Carolus XVI Gustavus, Sueciae dominus, ac Silvia, domina ipsius consors, primi reges fuerunt qui covidianum morbum contraxerunt. Ex quo effici cogique vero potest virus ne monarchis quidem parcere.
10 Febbraio 2022
O tempora, o moresCoronarium virus ne monarchis quidem parcit
Tum Margaretha II, Daniae regina, tum Philippus VI, Hispaniarum rex, levibus morbi symptomatibus affecti sunt
