Martii mensis dies VIII, quo res a mulieribus bene gestae quotannis celebrantur, heri incidit. In hac tempestate Helena Bonetti, quae Supremo Consilio Paribus Opportunitatibus ac Familiis praeposito diligenter praesidet, apud Sergium Mattarella, Rei Publicae Italicae rectorem, et alios nonnullos audientes gravi sermone contionata est. Silentio autem praetermitti non potest administram, inter alia ab ea dicta, Ucrainis mulieribus proximam professam nimirum esse.
9 Marzo 2022
