O tempora, o moresVillelmus Hurt de vita discessit

Villelmus Hurt nudius tertius mortuus est alterum ac septuagesimum agens annum. Qui prostatico carcinomate cum multiplicibus metastasibus in ossibus quinque iam annum nimirum afficiebatur. Notissimus dramatum actor, qui in innumeris taeniis cinematographicis excellenter egit, Silvacrifoliensis Academiae Praemium, quod Ansgarianum etiam dicitur, anno MCMLXXXVI tulit. Quod honos ei, qui in cinematica pellicula De feminae araneae basio (vulgo Il bacio della donna ragno) Aloisii Molina, homosexualis viri in carcere conditi, personam induit, optimi primarum partium histrionis titulo tributum est.