Romae Angelina Jolie, quae undecimum iam annum Summae Praefecturae Nationum Unitarum pro Perfugis (siglis UNHCR) operam suam, legatae extraordinariae obiens munus, sollicita sedulaque navat, Ucrainorum pueros, qui in paediatrico nosocomio a Puero Iesu nuncupato iacent, a. d. III Kal. Apr. visitavit. Quae cum medicis infirmariisque, qui parvulos tum morbis affectos tum pyrobolis vulneratos maxima cum benevolentia curant, etiam collocuta est.
2 Aprile 2022
O tempora, o moresAngelina Jolie Ucrainorum pueros paediatrico Sanctae Sedis valetudinario receptos visitavit
Perillustris actrix cum medicis infirmariisque, qui aegrotulis assident, etiam collocuta est
