Hesterno die domus auctionaria, cui Julien’s nomen, citharam, ad cuius sonum Curtius Donaldus Cobain, inclutus symphoniacorum Nirvana nuncupatorum princeps, summi nominis carmen, quod “Adulescentis redolet spiritum” (Anglice Smells Like Teen Spirit) inscribitur, anno MCMXCI cantavit, hasta posita, sane vendidit. Iacobus Irsay, insignis collector Americanarum artium studiosus, musicum instrumentum, quod quadragies centenis milibus dollariorum et dimidio licitus est, sibi adiudicavit.
24 Maggio 2022