Die XVII huiusce mensis Maii Evangelus Papathanassíou, quem omnes Vangelis appellabant, Lutetiae Parisiorum in valetudinario, quo aliquot ante diebus receptus erat, morbo Coronario mortuus est octogesimum agens annum. Is vero, inclutus compositor, una cum Artemio Roussos et Anargyro Koulouris gregem musicum, cui Anglice nomen Aphrodite’s Child (Latine “Aphrodites puer”), anno MCMLXXVII instituit. Qui immortalem famam sibi comparavit modos praesertim faciens ipsosque cinematographicae pelliculae, quae vulgo Momenti di gloria (Latine “Tempora gloriae”) inscribitur, nimirum aptans.
20 Maggio 2022
