De Calabrae sanitatis commissario, cuius munus, a Roberto Speranza ministro primum Xaverio Cotticelli, deinde Iosepho Zoccatelli, postremo Eugenio Gaudio intra decem dies assignatum, iisdem hic subinde deposuerunt, graves contentiones dissensionesque adhuc non placantur. Postquam Iosephus Conte, Consilii administrorum praeses, ob rerum perturbationem ab omnibus veniam propalam petivit, suprema nominatio hodierno die in exspectatione est.
Inter illos qui commissarius creari potest Fridericus Mauricius D’Andrea, superioribus temporibus aerarii praefectus et Francisci Xaverii Borrelli magistratus adiutor, sane eminet.