Hesterno die in urbe Londinio celeberrima domus auctionaria Sotheby’s nuncupata tabulam inscriptam “Vir dolorum” vel “Christus patiens”, quam Alexander Mariani Vanni Filipepi, Italico nomine commenticio, artificum more, sibi adiecto Sandro Botticelli magis notus, affabre depinxit, hasta posita, sane vendidit. Ignotus quidam collector artium studiosus incluti Renascentiae aetatis pictoris opus, quod quadringenties sexagies fere centenis milibus dollariorum licitus est, sibi adiudicavit.
28 Gennaio 2022
O tempora, o moresTabula ab Alexandro Botticelli picta, cui “Vir dolorum” nomen, sub hasta vendita est
Incluti Renascentiae aetatis artificis opus quadraginta sex fere milionibus dollariorum in Londinensi domo auctionaria" Sotheby’s" appellata venum ivit
